पूर्वाधार विकाससहित व्यवस्थित शहर निर्माण अभियानमा नगर विकास कोष
काठमाडौं । नगर विकास कोषले देशभर २४ आयोजनाको काम अगाडि बढाइरहेको छ । कोषको ३४औं वार्षिकोत्सवको अवसरमा आर्थिक आवाजसँग कुरा गर्दै कोषका कार्यकारी निर्देशक कृष्णप्रसाद सापकोटाले पूर्वाधार विकाससहित व्यवस्थित शहर निर्माण अभियानमा कोष सक्रिय रहेको बताए ।
५ अर्ब रुपैयाँ बराबरका आयोजनाहरुको काम भइरहेको उनले जानकारी दिए । ‘शहर पूर्वाधारका क्षेत्रमा हामीले काम गर्दै आइरहेका छौं,’ उनले भने, ‘कतिपय आयोजना अन्तिम चरणमा पुगेका छन् भने कतिपय आयोजना कार्यान्वयनको चरणमा छन् ।’ बसपार्क निर्माण, कमर्सियल भवन, कृषि बजार लगायतका पूर्वाधार विकासमा कोषले काम गर्दै आइरहेको छ ।
यस वर्ष कोषले काठमाडौंमा इलेक्ट्रिक बस र्यापिट ट्रान्जिट र बहुतले पार्किङको काम अगाडि बढाउँदैछ । ‘यी दुवै काम हामी अगाडि बढाउँदैछौं,’ सापकोटाले भने । कोषले नगरहरुमा आधारभूत सामाजिक सेवा र आयमुलक आयोजना संचालन गर्दै आइरहेको छ ।
‘सन्तुलीत शहरी पुर्वाधार विकास, वातावरणमैत्री पुर्वाधार र व्यवस्थित शहर निर्माण नै कोषको उद्देश्य हो,’ कार्यकारी निर्देशक सापकोटाले भने, ‘हामी यसैै उद्देश्य अनुरुप व्यावसायिक योजना तथा कार्यक्रमहरुलाई थप प्रभावकारी बनाउने अभियानमा छौं ।’
सम्बन्धित समाचार
सूचनाको समान पहुँच नहुँदा अर्थतन्त्र प्रभावितः अर्थमन्त्री खनाल
काठमाडौं। अर्थमन्त्री रामेश्वर खनाल अर्थतन्त्र सही ढंगले सञ्चालन हुन सही सूचना समयमै प्रवाह हुन अत्यावश्यक रहेको बताउनुभएको छ ।...
आज घट्यो सुनको मूल्य
काठमाडौं । नेपाली बजारमा आज (शुक्रबार) सुनको मूल्य घटेको छ। बिहीबार प्रतितोला एक सय रूपैयाँ घटेको सुनको भाउ यसदिन...
कति छ तरकारीको मूल्य?
काठमाडौँ । कालीमाटी फलफूल तथा तरकारी बजार विकास समितिले आजका लागि कृषिउपजको थोक मूल्य निर्धारण गरेको छ । समितिका...
असी प्रतिशतले घट्यो सुन कारोबार
काठमाडौँ । सुनको मूल्य अस्वाभाविक रूपमा बढेपछि नयाँसडकलगायतका सुनचाँदी पसल सुनसान बनेका छन् । माघ, फागुन महिनामा बिहेको लगन...