समाचार

पोख्रेललाई तनहुँ रत्न सम्मान

पोखरा । तनहुँ रत्न सम्मानबाट तनहुँ सम्पर्क समाज पोखराका आजीवन सदस्य तथा समाजसेवी फणिनारायण पोख्रेल सम्मानित भएका छन् । तनहुँ सम्पर्क समाज पोखराद्वारा स्थापित उक्त सम्मान समाजको २०औं स्थापना दिवसको अवसरमा शुक्रबार प्रदान गरिएको हो ।

नगद १० हजार रुपैयाँ र ताम्रपत्र सहित सम्मान गरिएको समाजले जनाएको छ । तनहुँको साविक राइपुर गाउँ पञ्चायतका वडा अध्यक्ष, उपप्रधानपञ्च हुँदै प्रधानपञ्चसम्म करिब १५ वर्ष नेतृत्व गरेका ८१ वर्षीय पोख्रेल शुक्लागण्डकी नगरपालिका वडा नं. ११, राइपुर स्थायी ठेगाना भई २०५५ सालदेखि पोखरा ७, माछापुच्छ्रेटोलका अस्थायी बासिन्द हुन् । पोख्रेललाई तनहुँ सम्पर्क समाज पोखरा स्थापनाका साथै तनहुँबासीको सुखदुःखमा पु¥याएको योगदानको उच्च कदर गर्दै उक्त सम्मान प्रदान गरिएको समाजले जनाएको छ ।

समाजका अध्यक्ष अम्बिका प्रसाद भट्टराईको अध्यक्षतामा तथा प्रा.डा. बुद्धिबहादुर थापाको प्रमुख आतिथ्यतामा कार्यक्रम भएको हो ।

२०५९ सालमा स्थापित समाजले विभिन्न दैविक प्रकोप एवं मानवीय सहयोग गर्दै आइरहेको छ । वित्तीय कारोबारका लागि आफ्ना सदस्यद्वारा मातृभूमि बचत तथा ऋण सहकारी संस्था लि. समेत स्थापना गरेको छ ।

समाजका निवर्तमान अध्यक्ष शिवराज पौडेलको संयोजकत्वमा कोषाध्यक्ष जगन्नाथ गौतम र कार्यसमिति सदस्य चित्रबहादुर अधिकारीको ३ सदस्यीय छनौट समितिले पोख्रेललाई सम्मान गर्न सिफारिस गरेको थियो ।

सम्बन्धित समाचार

हेर्नुहोस् आजको मौसम

हेर्नुहोस् आजको मौसम

काठमाडौँ। हाल नेपालमा पश्चिमी वायुको सामान्य प्रभाव रहेको छ। जल तथा मौसम पूर्वानुमान महाशाखाका अनुसार हाल देशभर आंशिक बादल...

सुनसरीबाट पेस्तोलसहित भारतीय नागरिक नियन्त्रणमा

सुनसरीबाट पेस्तोलसहित भारतीय नागरिक नियन्त्रणमा

काठमाडौं।  सुनसरीबाट पेस्तोल सहित भारतीय नागरिक नियन्त्रणमा सशस्त्र प्रहरी बलले सुनसरीबाट पेस्तोल सहित भारतीय नागरिकलाइ नियन्त्रणमा लिएको छ ।...

वीरगन्जमा सशस्त्रमाथि हातपात गर्ने छ पक्राउ

वीरगन्जमा सशस्त्रमाथि हातपात गर्ने छ पक्राउ

काठमाडौं। वीरगञ्जमा सशस्त्र प्रहरी टोलीमाथि आक्रमण गरेको आरोपमा प्रहरीले ६ जनालाई पक्राउ गरेको छ। जिल्ला प्रहरी कार्यालय, पर्साका अनुसार,...

खोटाङमा आफैलाई छुरा प्रहार गरेर पुरुष गम्भीर घाइते

खोटाङ । खोटाङमा एक ब्यक्तिले आफैलाई छुरा प्रहार गरी गम्भीर घाइते भएका छन् । घरायसी विवादमा आफैले आफैलाई छुरा प्रहार...