पोखरा । युवा व्यवसायी रोहनजंग कार्कीले ‘मिठो खाजा एण्ड होम मेड फ्रोजन मःम सप्लायर्स’ सञ्चालनमा ल्याएका छन् । फ्रोजन मःमका विभिन्न परिकारहरु अर्डर अनुसार होम डेलिभरी दिन सुरु गरिएको कार्कीले जानकारी दिए ।

पहिलो चरणमा पोखराको लेकसाइडबाट सेवा सुरु गरिएको कार्कीले जानकारी दिए । ‘पोखरा तथा आसपासका क्षेत्रलाई लक्षित गरी सेवा सुरु गरेका हौं,’ कार्कीले भने, ‘हामीले गुणस्तरीय फ्रोजन मःम बनाउनेछौं ।’

प्याकेजिङ चिकेन मःम, बफ मःम, पोर्क मःम, भेज पनिर मःम पाउनुका साथै अर्डर अनुसारका परिकार बनाइन्छ । होम डेलिभरी सेवा निःशुल्क हुने बताइएको छ ।

‘स्वच्छ खाजाका लागि हामीसँग मःम अर्डर गर्न सक्नुहुन्छ,’ उनले भने, ‘राम्रो सेवा तथा गुणस्तरीय खानेकुरा हाम्रो प्राथमिकता हो ।’ दैनिक हजार प्लेटसम्म मःम बनाउन सकिने कार्कीले जानकारी दिए ।