काठमाडौं । सेल्सबेरी डिपार्टमेन्टल स्टोर्समा सपिङ गर्दा आमालाई हेलिकप्टरमार्फत गोसाइकुण्ड दर्शन गराउने अवसर मिल्ने भएको छ । सेल्सबेरीले आमाको मुख हेर्ने दिन (माता तीर्थ औंशी)को अवसरमा यो अफर ल्याएको हो ।
सेल्सबेरी र पोखरास्थित सेलवेज डिपार्टमेन्टल स्टोर्समा सपिङ गरी ‘फोन पे’बाट भुक्तानी गर्ने ग्राहक मध्येबाट ५ जनाले लक्की ड्रका आधारमा यो अवसर प्राप्त गर्नेछन् । वैशाख ५ गते सोमबारबाट सुरु यो अफर वैशाख १७ गतेसम्म जारी रहने चिफ बिजनेश अफिसर चेतनारायण पौडेलले जानकारी दिए ।
‘सेल्सवेरीले ग्राहकको सुविधालाई ध्यानमा राख्दै समय समयमा अफरहरु ल्याउँदै आइरहेको छ,’ उनले भने, ‘आमा औंशीको अवसरमा ल्याइएको यो अफर धेरै उत्साहजनक हुनेछ भन्ने हामीले विश्वास लिएका छौं ।’
सेल्सवेरीमा सपिङ गरिसकेपछि आमालाई गोसाइकुण्ड दर्शन गराउने अवसर प्राप्त हुनुले आमाहरुप्रति सम्मान हुनेछ भन्ने आफूहरुको विश्वास रहेको पौडेलले बताए ।
