काठमाडौं। भारतीय प्रधानमन्त्री नरेन्द्र मोदी नेपाल भ्रमणका क्रममा नेपाल र भारतबीच ६ बुँदे सम्झौता भएको छ ।
भारतको विदेश मन्त्रालयद्वारा सार्वजनिक गरिएको वक्तव्य अनुसार लुम्बिनी भ्रमणका क्रममा आज दुई मुलुकबीच ६ बुँदामा सम्झौता भएको हो ।
प्रधानमन्त्रि मोदी आज लुम्बिनी भ्रमणको लागि नेपाल आएका हुन् । मोदीलाई प्रधानमन्त्री शेरबहादुर देउवाले स्वागत गरेका थिए । प्रधानमन्त्री देउवा र मोदीविच औपचारिक भेटवार्ता पनि भएको छ ।
सम्झौताहरू :
१. बौद्ध दर्शन अध्ययनका लागि डा। अम्बेडकर चेयर स्थापना गर्ने सम्बन्धमा भारतीय सांस्कृतिक सम्बन्ध परिषद् र लुम्बिनी बौद्ध विश्वविद्यालयबीच सम्झौता ।
२. भारतीय सांस्कृतिक सम्बन्ध परिषद् र नेपाल तथा एसियाली अध्ययन केन्द्र तथा त्रिभुवन विश्वविद्यालयबीच भारतीय अध्ययनको आईसीसीआर चेयर स्थापना गर्ने सम्झौता ।
३. भारतीय सांस्कृतिक सम्बन्ध परिषद् र काठमाडौँ विश्वविद्यालय ९केयू० बीच भारतीय अध्ययनको आईसीसीआर चेयर स्थापना गर्ने सम्झौता ।
४. काठमाडौँ विश्वविद्यालय र भारतको इन्डियन इन्स्टिच्युट अफ टेक्नोलोजी मद्रासबीच सहयोगको सम्झौता ।
५. नेपालको काठमाडौँ विश्वविद्यालयर भारतको इन्डियन इन्स्टिच्युट अफ टेक्नोलोजी मद्रास (आईआईटीएम) भारतबीच स्नातकोत्तर तहमा संयुक्त डिग्री कार्यक्रम गरिने ।
६. अरुण चौथो आयोजनाको विकास र कार्यान्वयनका लागि सतलज जलविद्युत् लिमिटेड र नेपाल विद्युत् प्राधिकरण (एनईए)बीच सम्झौता ।
