काठमाडौं । छिमेकी मुलक भारत सरकारले चिनी निर्यातमा रोक लगाएको छ ।
त्यहाँको सरकारले जुन महिनादेखि अक्टोबरसम्मका लागि चिनीको निर्यातलाई सिमित गर्ने घोषणा गरेको हो । घरेलु मूल्यवृद्धि कम गर्न निर्यातमा रोक लगाएको त्यहाँको सरकारले जनाएको छ ।
रिपोर्टका अनुसार सरकारले सबै व्यापारीहरुलाई जुन १ देखि अक्टोबर ३१ काबीच चिनीको विदेशी कारोबारसम्बन्धी अनुमति सुनिश्चित गराउन भनिसकेको छ ।
घरेलु बजारमा चिनीको उपलब्धता बढाउन र मूल्यलाई नियन्त्रित गराउन यस्तो कदम उठाउन लागिएको इकोनोमिक टाइम्सले जनाएको छ ।
यसमा पूर्ण प्रतिबन्ध नभएर चिनीको निर्यात् सीमित गराउने जनाइएको छ । भारतले केही दिनअघि मात्रै गहुँ निर्यातमा रोक लगाएको थियो ।
रुष र युक्रेनको युद्धको प्रभावले विश्वमा खाद्य संकट आउन सक्ने सयुक्त राष्ट्रसंघले बताउँदै आएको छ ।
सम्बन्धित समाचार
