युवतीलाई यौन दुर्व्यवहार गरेको आरोपमा स्वास्थ्य अनुसन्धान परिषद्का एक कर्मचारी निलम्बित

काठमाडौं । यौन दुर्व्यवहारको आरोप लागेपछि नेपाल स्वास्थ्य अनुसन्धान परिषद्का एक कर्मचारी निलम्बनमा परेका छन् ।

परिषद्ले तालिम अधिकृत विजयकुमार झालाई इन्टर्नसिपमा आएकी एक युवतीलाई यौन दुर्व्यवहार गरेको आरोपमा निलम्बन गरी कारबाही प्रक्रिया अगाडि बढाएको हो ।

इन्टर्नसिपमा आएकी युवतीले आफूमाथि दुर्व्यवहार भएको भन्दै निवेदन दिएसँगै झालाई निलम्बन गरी कारबाही प्रक्रिया अगाडि बढाइएको परिषद्का एक कर्मचारीले जानकारी दिए ।

उनका अनुसार छानबिन समिति गठन गरिएको छ ।