सोमवार, माघ २८, २०८१
English
Follow us:

सगरमाथा जलविद्युतको सेयर निष्काशन, प्रभु क्यापिटल बिक्री प्रवन्धकमा नियुक्त

सगरमाथा जलविद्युतको सेयर निष्काशन, प्रभु क्यापिटल बिक्री प्रवन्धकमा नियुक्त

  • खबर सेवा

  • शुक्रबार, जेष्ठ २०, २०७९

  • 11
    SHARES

काठमाडौं । सगरमाथा जलविद्युत् कम्पनी लिमिटेडले सर्वसाधारणलाई प्रारम्भिक सार्वजनिक निष्काशन गर्ने कार्यका लागि प्रभु क्यापिटल लिमिटेडलाई सेयर निष्काशन तथा बिक्री प्रबन्धकमा नियुक्त गरेको छ ।

सो नियुक्तिसम्बन्धी सम्झौता एक कार्यक्रमको आयोजना गरी बिहीबार सम्पन्न भयो । सम्झौतामा सगरमाथा जलविद्युत् कम्पनी लिमिटेडका तर्फबाट कम्पनीका अध्यक्ष डा. भोगेन्द्रकुमार गुरागाईं तथा प्रभु क्यापिटल लिमिटेडका तर्फबाट प्रबन्ध निर्देशक दिनेश थकालीेले हस्ताक्षर गरे ।

सो कार्यक्रममा सगरमाथा जलविद्युत् कम्पनी लिमिटेडका प्रबन्ध सञ्चालक भूषण गुरागाईं तथा प्रभु क्यापिटलका लिमिटेडका तर्फबाट चिफ बिजनेस अफिसर बासु थपलियाको उपस्थिति रहेको थियो ।

कम्पनीले इलामको इलाम नगरपालिका वार्ड नं. २, ३ र ५ स्थित माई खोलामा सुपरमाई जलविद्युत् ‘ए’ आयोजना निर्माण गरी सञ्चालन गरिरहेको छ ।

आयोजनाको क्षमता ९.६ मेगावाट रहेको छ । आयोजनाले २०७७ जेष्ठ ३२ देखि जलविद्युत् उत्पादन शुरु गरिसकेको र आयोजनाले शतप्रतिशत क्षमतामा विद्युत् उत्पादन गरिरहेको कम्पनीका प्रबन्ध सञ्चालक भूषण गुरागाईंले सम्झौता कार्यक्रममा जानकारी दिए ।

कम्पनीले आफ्नो जारी पुँजी १ अर्ब १२ करोड मध्ये स्थानीयका लागि १० प्रतिशत वापत ११ लाख २० हजार कित्ता, तथा सर्वसाधारण, कर्मचारी तथा सामुहिक लगानी कोषका लागि ४३ लाख ६८ हजार कित्ता गरी जम्मा ५४ लाख ८८ हजार कित्ता बराबरको साधारण सेयर सर्वसाधारणमा निष्काशन गर्न लागेको हो ।


सम्बन्धित समाचार

© copyright 2025 and all right reserved to Khabar Sewa. Developed By Bitcraft Technology