काठमाडौं । आइतबार सामान्य बढेको सुनचाँदीको मूल्य सोमबार पनि पुनः बढेको छ । आज छापावाला सुनको मूल्य तोलामा ४ सय रुपैयाँले बढेको छ ।
आज तोलामा ४ सयले बढेसँगै छापावाला सुन तोलाको ९७ हजार ७ सय रुपैयाँमा कारोबार भइरहेको नेपाल सुनचाँदी व्यवसायी महासंघले जानकारी दिएको छ ।
आइतबार सुन तोलाको ९७ हजार ३ सय रुपैयाँमा कारोबार भएको थियो । आज तेजाबी सुनको मूल्य तोलाको ९७ हजार २ सय रुपैयाँमा कारोबार तोकिएको महासंघले जनाएको छ ।
त्यस्तै, आज चाँदी तोलाका १० रुपैयाँले बढेको छ । तोलामा १० रुपैयाँ बढेसँगै आज चाँदी तोलाको १२ सय ५५ रुपैयाँमा कारोबार भएको महासंघले जनाएको छ । आइतबार चाँदी तोलाको १२ सय ४५ रुपैयाँमा कारोबार भएको थियो ।
सम्बन्धित समाचार
