सोमवार, फाल्गुन ५, २०८१
English
Follow us:

महाराष्ट्रमा रेल दुर्घटनामा १३ यात्रुको मृत्यु, मृतक नेपालीको संख्या ४ पुग्यो

महाराष्ट्रमा रेल दुर्घटनामा १३ यात्रुको मृत्यु, मृतक नेपालीको संख्या ४ पुग्यो

  • खबर सेवा

  • बिहिबार, माघ १०, २०८१

  • 91
    SHARES
महाराष्ट्रमा रेल दुर्घटनामा १३ यात्रुको मृत्यु, मृतक नेपालीको संख्या ४ पुग्यो
तस्बिर : कान्तिपुर अनलाइनबाट साभार

भारत। भारतको महाराष्ट्रस्थित जलगाउँ रेल दुर्घटनामा परी मृत्यु हुने यात्रुको संख्या १३ पुगेको छ। जलगाउँ जिल्ला प्रशासक आयुष प्रसादले बिहीबार दिएको जानकारी अनुसार १० जना घाइते भएका छन् । महाराष्ट्रको जलगाउँ घटनास्थलमा रहेकी नेपाली पत्रकार ललिता मलाती सिंहका अनुसार अछामका मात्रै ४ जनाको मृत्यु भएको छ ।

‘बुधबार साँझ भएको रेल दुर्घटनामा परी अहिलेसम्म १३ जनाको मृत्यु भएको छ भने १० जना घाइते भएका छन्,’ उनले भने । बुधबार साँझ नजिकैको ट्र्याकबाट कर्नाटक एक्सप्रेस रेल अघि बढिरेका समय पुष्पक एक्सप्रेसको डिब्बामा आगलागी भएको हल्लापछि हामफालेकालाई गुडिरहेको रेलले किचेको थियो । घाइतेहरूलाई सिभिल अस्पताल जलगाउँमा भर्ना गरिएको छ र उनीहरूको उपचार भइरहेको छ।

रेल मन्त्रालयले जलगाउँ रेल दुर्घटनामा परी मृत्यु भएकाका परिवारलाई जनही एक लाख ५० हजार भारतीय रूपैयाँ दिने घोषणा गरेको छ । रेलमन्त्री अश्विनी वैष्णवको कार्यालयले जारी गरेको विज्ञप्तिमा भनिएको छ, ‘जलगाउँ रेल दुर्घटनामा परी मृत्यु भएकाका परिवारलाई जनही एक लाख ५० हजार भारतीय रूपैयाँ, गम्भीर घाइतेलाई ५० हजार रूपैयाँ र सामान्य घाइते भएकालाई पाँच हजार रूपैयाँ दिने घोषणा गरिएको छ ।’

यसैबीच, भारतीय प्रधानमन्त्री नरेन्द्र मोदीले रेल दुर्घटनामा मृत्यु भएका नागरिकप्रति श्रद्धाञ्जली अर्पण गर्दै परिवार तथा आफन्तजनप्रति समवेदना व्यक्त गरेका छन् ।


सम्बन्धित समाचार

© copyright 2025 and all right reserved to Khabar Sewa. Developed By Bitcraft Technology