काठमाडौं । राप्रपाका महामन्त्री डा. धवलशम्शेर राणासहितको राप्रपाको टोली महाकुम्भमा पवित्र स्नान गर्न भारतको प्रयागराजतर्फ प्रस्थान गरेका छन् ।
राप्रपाको उच्चस्तरीय टोलीमा उपाध्यक्ष मुकुन्दश्याम गिरी, सहायक महामन्त्री ऋषिराज देवकोटा, केन्द्रीय सदस्यद्वय जनक सिंह र भीम शाही समेत सहभागी छन् । त्रिवेणीको सङ्गममा स्नान गरेर आशीर्वाद लिन राप्रपाको केन्द्रीय नेताहरूको टोली सोमबार भारततर्फ लागेको हो ।
महापर्वले विश्वभरका भक्तहरूलाई आकर्षित गरेको छ । नेपालबाट पनि हजारौं भक्तजनहरू सहभागी भैरहेका छन् । महाकुम्भ विश्वको सबैभन्दा ठूलो आध्यात्मिक र सांस्कृतिक कार्यक्रम हो ।
सम्बन्धित समाचार
