म्यानमारविरुद्ध ३ खेलाडी परिवर्तन गरेर मैदान उत्रदै नेपाल, एन्जिला र रेखालाई आराम

काठमाडौँ। अन्तराष्ट्रिय महिला च्याम्पियनसिपअन्तर्गत समूह चरणको अन्तिम खेलमा नेपालले ३ परिवर्तन गरेको छ।

म्यानमारविरुद्धको मैदान उत्रने टोलीको कप्तानको जिम्मेवारी मिडफिल्डर रेनुका नगरकोटीलाई दिइएको छ भने साविक कप्तान एवं गोल किपर एन्जिला तम्बोफो सुब्बालाई आराम दिइएको छ।

टोलीका मुख्य प्रशिक्षक राजेन्द्र तामाङले अघिल्लो खेल बेन्चमा बसेकी अञ्जना राना मगरलाई गोलपोष्टको जिम्मा दिएका छन्। यता फरवार्ड लाइन रेखा पौडेललाई बेन्चमा राखेर रश्मिकुमारी घिसिङलाई उतार्ने योजना तामाङको छ।

पहिलो खेलमा निर्णायक गोल गरेकी मिडफिल्डर विमला चौधरीलाई अराम दिँदैसरु लिम्बु उतारिएको छ। अन्य सदस्य भने साविककै राखिएको छ।