अर्थ

नेप्सेमा गिरावट

काठमाडौँ । साताको पहिलो कारोबार दिन आइतबार नेपाल स्टक एक्सचेञ्ज (नेप्से) परिसूचकमा दोहोरो अंकको गिरावट आएको छ ।

गत साताको सुरुवातदेखि ओरालो लागेको शेयर बजारले आइतबार पनि निरन्तरता दिएको हो । आइतबार नेप्से परिसूचक २१.४८ अंकले घटेर २६०९.६९ विन्दुमा पुगेर कारोबार बन्द भएको छ ।

यस्तै, सेन्सेटिभ इण्डेक्स २.७० अंकले, फ्लोट इण्डेक्स १.५७ अंक र सेन्सेटिभ फ्लोट इण्डेक्स १.१४ अंकले घटेको छ ।

आइतबार कारोबारमा आएका ३२५ कम्पनीको १ करोड ७ लाख १८ हजार कित्ता शेयरको कारोबार ५ अर्ब ३३ करोड ४४ लाख १५ हजार रुपैयाँ पुगेको छ । अघिल्लो कारोबारका दिन ५ अर्ब २३ करोड रुपैयाँको कारोबार भएको थियो ।

बजार घटेपनि तीनवटा कम्पनीको शेयरमूल्यमा सकारात्मक सर्किट लागेको छ । जसमा स्वस्तिक लघुवित्त वित्तीय संस्था, श्रीनगर एग्रीटेक इन्डष्ट्रीज र झापा इनर्जीको शेयरमूल्यमा सर्किट लागेको हो । तर यता बुङ्गल हाइड्रोको शेयरमूल्यमा भने गिरावट आएको छ । उक्त कम्पनीको शेयरमूल्य ८.५१ प्रतिशतले घटेको छ ।

आइतबार कारोबारमा आएका १३ वटै उपसमूहका परिसूचक घटेर बजार राताम्मे भएको छ । सबैभन्दा धेरै जलविद्युत उपसमूह १.२२ प्रतिशतले घटेको छ । यसका साथै वित्त, होटल तथा पर्यटन, लघुवित्त र व्यापार उपसमूहका परिसूचक पनि १ प्रतिशतभन्दा धेरैले घटेका छन्।

कारोबार रकमका आधारमा सागर डिष्टिलरी कम्पनीको ४३ करोड ६९ लाख रुपैयाँ बराबरको शेयर खरिदबिक्री भएको छ । त्यस्तै, ङादी ग्रुप पावरको साढे ३२ करोड र बन्दीपुर केबलकार एण्ड टुरिजमको करिब साढे १५ करोड रुपैयाँ बराबरको कारोबार भएको छ ।

सम्बन्धित समाचार

सुनको भाउ ३ लाख नाघ्यो

सुनको भाउ ३ लाख नाघ्यो

काठमाडौं । नेपाली बजारमा सुनको भाउ प्रतितोला ३ लाख नाघेको छ । नेपाल सुनचाँदी व्यवसायी महासंघले यस दिन सुनको...

कति छ तरकारीको मूल्य?

कति छ तरकारीको मूल्य?

काठमाडौं। कालीमाटी फलफूल तथा तरकारी बजार विकास समितिले आज (शुक्रबार) का लागि कृषि उपजहरूको थोक मूल्य निर्धारण गरेको छ।...

कति छ डलरको भाउ?

कति छ डलरको भाउ?

काठमाडौं। नेपाल राष्ट्र बैंकले आज (शुक्रबार) का लागि विदेशी मुद्राहरूको विनिमयदर निर्धारण गरेको छ। आज अमेरिकी डलर, युरो, पाउन्ड,...

सुनको भाउ घट्यो

सुनको भाउ घट्यो

काठमाडौँ । नेपाली बजारमा सुन र चाँदीको मूल्य घटेको छ । नेपाल सुनचाँदी व्यवसायी महासंघका अनुसार बिहीबार सुन र...