कुलमान घिसिङ पनि रास्वपामा जोडिने सम्भावना

काठमाडौं। वर्तमान सरकारका ऊर्जामन्त्री कुलमान घिसिङ पनि रास्वपामा जोडिने सम्भावना बढेको छ ।

रास्वपा सभापति रवि लामिछाने, हालै सो पार्टीमा समाहित भएका बानेन्द्र साह र कुलमानबीच काठमाडौंमा सोमबार अपराह्नदेखि जारी वार्ता सहमतितर्फ अगाडि बढेको हो ।

अहिले सहमतिको ड्राफ्ट बनाउने काम भइरहेको रास्वपा उच्च स्रोतले  जानकारी दियो । यसअघि कुलमानले ‘हाई डिमान्ड’ गरेपछि सहमति जुट्न सकेको थिएन।

समानुपातिकको बन्दसूची बुझाउने अन्तिम दिन सोमबार अपराह्नदेखि शुरू भएको वार्ता सकारात्मक बनेको हो । हामी नेपालका सुधन गुरुङ लगायतको समूह कुलमानलाई सामेल गर्न दबाबका लागि रास्वपाको केन्द्रीय कार्यालय पुगेको थियो ।

कुलमानसँग वार्ता गर्नुपर्ने भएपछि रवि पार्टीको बैठक छाडेर बाहिरिनु भएको  थियोे ।

कुलमानलाई पनि सुधनकै समूहले गाडीमा राखेर वार्ता स्थलमा पुर्‍याएको थियो ।

गुरुङले कुलमानसँग सहमति हुँदै गरेको फेसबूकमा पनि लेखेका छन् ।

‘​मिलाएरै छोडिम्, र इतिहासले सम्झनेछ । रवि, बालेन र कुलमान चुनावमा सँगै लड्नेछन्,’ गुरुङले फेसबूकमा लेखेका छन् ।