जेन्जी आन्दोलन क्रममा हिरासतबाट भागेका व्यक्ति लागूऔषधसहित नियन्त्रणमा

जेन्जी आन्दोलन क्रममा हिरासतबाट भागेका व्यक्ति लागूऔषधसहित नियन्त्रणमा

जेन्जी आन्दोलनको क्रममा प्रहरी बृत्त बानेश्वरको हिरासतबाट भागेका व्यक्तिलाई सशस्त्र प्रहरीले माघ २७ गते काठमाडौ गोकर्णश्वर नगरपालिका–२ स्थित नयाँ पार्टीबाट २९ ग्राम ब्राउन सुगरसहित नियन्त्रणमा लिएको छ ।
धनकुटा जिल्लाको पाख्रीनवास नगरपालिका–५ बस्ने अन्दाजी ३१ वर्षिय डिल्ली बहादुर कटुवाललाई मंगलबार दिउसो करीव साढे १ बजे उक्त ब्राउन सुगरसहित सशस्त्र प्रहरी बल नेपालको ईन्टेलिजेन्स व्यूरोको विशेष टोलीले नियन्त्रणमा लिएको हो ।
साथै उनको साथबाट लागूऔषध तौल मेसिन १ थान, मोवाईल १ थान, र ५ हजार नेपाली रुपैयाँ समेत बरामद भएको छ ।
नियन्त्रणमा लिईएका उनलाई बरामद लागूऔषध तथा अन्य सामानसहित आवश्यक कारवाहीको लागि सम्बन्धित निकायमा बुझाईएको छ ।
डिएसपी शैलेन्द्र थापा
सह प्रबक्ता