भरतपुर । भरतपुरका युवा उद्यमी किरण आचार्यले मेयरमा रेणु दाहाललाई मतदान गर्न अपिल गरेका छन् । भरतपुरको मेयर भएर उल्लेखनीय कार्य गरेकाले दाहाललाई मेयरमा मतदान गरेर विजयी गराउनुपर्ने उनको तर्क छ ।
‘भरतपुरको भविष्यको लागि कृपया रेणु दाहाललाई भोट दिनु होला,’ उनले भनेका छन् । भरतपुरको विकासका लागि रेणुको विकल्प नरहेको उनले बताए ।
‘रेणु दाहाल प्रचण्ड पुत्री मात्र नभएर हिजो जनयुद्धमा होमिएकी संघर्षशील पात्र हुन् र क्षमता भएकी नारी हुन् भन्ने कुरा ५ वर्षे मेयरको कार्यकालले प्रमाणित गरिसकेको छ,’ उनले भने, ‘विपक्षी समेतले रेणुलाई सिधै कम कार्यक्षमता भएकी भनेर नकार्न सकेका छैनन् ।’
विकासको लहर हेर्न र बाँकी रहेका कामलाई सम्पन गर्न कुनै पनि हालतमा रेणु दाहालले जित्नै पर्ने उनको तर्क छ ।
‘२०७४ अगाडिसम्म भरतपुरमा मान्छेहरुको घनत्व मात्रै बढेको थियो, तर पूर्वाधार विकासको कुनै छेकछन्द नै थिएन । रेणु दाहाल जब मेयर बनेर भरतपुरमा आइन्, त्यसपछि चितवनमा पूर्वाधार विकासको जगको रेखा कोरिएको हो । जनताले बाटो घाटो को (सडक) पूर्वाधारलाई पहिलो प्राथमिकतामा राखेका थिए । मेयर निर्वाचित भएर आएपछि रेनुले त्यहीबाट आफनो कामको शुरुआत गरिन्,’ आचार्यले भने, ‘४ वर्षको अवधिमा ६१० किलोमिटर सडक कालोपत्रे तथा ४५० किलोमिटर सडकमाउनी मेयर भएर आएपछि ग्राभेको काम गरिन् । केन्द्रीय बसपार्कको स्तरोन्नतीमा उनले ध्यान खिचिन् । आफ्नै बाबु पुष्पकमल दाहाल (प्रचण्ड) माओवादी केन्द्रको अध्यक्ष तथा राष्ट्रिय राजनीतिको केन्द्रीय मियो रहेका बेला उनले केन्द्रीय बजेट र परियोजना पनि भरतपुरमा प्रसस्तै भित्राइन् ।’
संघीय सरकारको सहयोग तथा महानगरपालिकाको पहलमा नेपालकै सबभन्दा लामो ८८.६ कि.मि. महानगरीय रिङरोड रु ८ अर्ब २० करोडको लागत रहने गरी प्रारम्भिक वातावरणीय परीक्षणसहित विस्तृत परियोजना प्रतिवेदन नै रेनुले तयार पारेको उल्लेख गर्दै उनले फेरी पनि यसरी विकासको अभियान चलाउनुपर्ने धारणा राखे ।
‘सघन शहरी विकासबाट १० कि.मि., प्रदेश सरकारबाट ८.५५ कि.मि., सडक विभागबाट १२ कि.मि. र महानगरबाट १० कि.मि. गरी जम्मा ४०.५५ कि.मि. रिङरोडको काम अगाडि बढाइन् । बाँकी ४८.०६५ कि.मि. निर्माणको काम पनि अहिले अगाडि बढिरहेको छ,’ उनले भने, ‘पुल्चोकदेखि गोन्द्राङसम्म हरियाली सहितको ६ लेनको सडक फुटपाथ र सर्भिस ट्रयाक निर्माणको लागि उनले रु १ अर्ब ९८ करोड ७३ लाखको लागतमा काम अगाडि बढाइन् ।’
बाइपास ४ लेन सडक विस्तार एवं सतह ढल निर्माणको कार्य पनि पनि रेणुले अघि बढाएकी हुन् । त्यस्तै, हुलाकी सडकको १९ कि.मि. विस्तार एवं स्तरोन्नति र भरतपुर–मेघौली–गोलाघाट को सहायक राजमार्ग खण्डको ८ कि.मि. सडकको काम पनि सँगसँगै अगाडि बढाइन् ।