साउथ अभिनेता सुनिल बलिउड डेब्यु गर्ने भएका छन् । भारतीय साउथ स्टार अल्लु अर्जुन अभिनित सुपरहिट फिल्म ‘पुष्पाः द राइज’ का सुनिल मुख्य भिलेनमा देखिएका थिए।
धेरै फिल्ममा कमेडियनको भूमिका निर्वाह गरेका उनी ‘पुष्पा’ मा भने रक्त चन्दन तस्कर ‘मंगलम श्रीनु’ को भूमिकामा देखिएका थिए ।
सुनिलले खलनायकको रुपमा अभिनय गरेको सबै फिल्म सुपरहिट भएको छ । जसमा ‘कलर फोटो’, ‘डिस्को राजा’ र ‘पुष्पा’को नाम आउँछ ।
‘पुष्पा’ को दोस्रो भाग ‘पुष्पाः द रुल’ मा सुनिलको चरित्र अझ राम्रो र ठूलो हुने बताइएको छ । सुनिलले अहिले बलिउडका दुईवटा अफर साइन गरेका छन् ।’पुष्पा’ को सफलतापछि उनलाई बलिउडका धेरै अफर आए पनि तीमध्ये दुई मात्र साइन गरेका हुन् ।
हालै एक मिडियासँगको अन्तर्वार्तामा सुनिलले आफूलाई तमिल र कन्नड फिल्मका समेत अफर आइरहेको बताएका छन् ।‘पुष्पा’ बाट सुनिल संसारभर चर्चा छाउका छन् ।
फिल्ममा रहेको उनको भूमिका दर्शकले रुचाएका छन् । सुनिल पहिलो पटक एसएस राजामौलीको ‘मर्यादा रमन्ना’ मा नकारात्मक भूमिकामा देखिएका थिए ।
धेरै फिल्ममा सानोतिनो भूमिका निर्वाह गरेका उनको ‘मर्यादा रमन्ना’ २०१० मा रिलिज भएको थियो । उनले धेरै फिल्ममा पनि महत्वपुर्ण भूमिका निर्वाह गरेका छन् ।एजेन्सी