‘महाराजधिराज’को गद्दीमा पल शाहको ‘न्युड’ तस्बिर

काठमाडौँ। फिल्म ‘महाराजधिराज’को पहिलो पोस्टरमा नायक पल शाह फरक रूपमा देखिएका छन्। आज सार्वजनिक भएको पोस्टरमा नायक पल शाहलाई न्युड देखाइएको छ। विराज बिष्टको प्रस्तुतिमा तयार हुन लागेको यो फिल्ममा टोपेन्द्र बिष्ट, चक्र बहादुर केसी र रवी खड्काको लगानी रहेनछ।

यो फिल्ममा परिच्छेद सेनको लेखन तथा निर्देशन रहनेछ। फिल्मको प्रदर्शन मिति आउँदो वर्षको फूलपातिलाई तोकिएको छ। फिल्ममा नायक पल शाहको गेटअपले दर्शकलाई आकिर्षत गर्ने देखिएको छ । फिल्मको पोस्टरमा लेखिएको छ–‘अनेकौ समस्या म देख्छु जगत्मा, छ कि दोष हाम्रो आफ्नै रगतमा’।

पोस्टरमा एक जना राजकुमारलाई पनि देखाएको छ। तर, गद्दीमा न्यूड पल शाह बसेका छन् । यसले, फिल्मको कथा केही फरक छ भन्ने प्रष्ट संकेत गरेको छ।