शिल्पा पोखरेललाई घर दिएर डेरामा बस्न थाले छवि ओझा

काठमाडौं । नेपाली फिल्म क्षेत्रका ‘बाघ निर्माता’ छविराज ओझाको चौथो विवाहको मुद्दा पनि अब किनारा लागेको छ। नायिका शिल्पा पोखरेलसँग विवाह गरेका छविको मुद्दा शिल्पाले जित्दा उनलाई धक्का लागेको छ। निकट स्रोतका अनुसार छवि शिल्पालाई आफ्नो करोडौं मूल्य पर्ने घर दिएका छन्। शिल्पालाई घर दिएर छवि भने डेरामा बस्न थालेका छन्।

अंशबन्डाको कानूनी प्रक्रिया जारी रहँदा छविले आफ्नो सम्पत्ति उपभोग गर्न पाइरहेका थिएनन् भने उनको बैंक खाता पनि रोक्का थियो । डिभोर्स टुंगिएसँगै दुवै आआफ्नो बाटो लागेका छन् ।

शिल्पाले प्राप्त गरेको घर काठमाडौंको गौरीघाटमा रहेको छ । करिब पाँच आना क्षेत्रफलमा बनेको साढे दुई तले घरको मूल्य झण्डै चार करोड पर्ने स्रोतले बतायो । फिल्म क्षेत्रमा छविको राम्रो नाम रहे पनि व्यक्ति सम्बन्धका कारण प्रायः उनी विवादित बनिरहन्छन्। यसअघि रेखा थापासँग पनि उनको डिर्भोस भएको थियो। रेखाले भने अर्कै एकजनासँग विवाह गरेर अहिले फिल्मसँग राजनीतिमा होमिएकी छन्।