यू १९ महिला विश्वकप : समूह चरणमा बाहिरिएको नेपाल मलेसियासँग भिड्दै

काठमाडौं। यू १९ महिला विश्वकपमा नेपालले आजको खेलमा घरेलु टोली मलेसियासँग खेल खेल्दैछ। विश्वकपको १३औं देखि १६औं स्थानका लागि हुने प्लेअफ खेल नेपाली समय अनुसार दिउँसो १२ः१५ बजे सुरु हुँदैछ। नेपाल र मलेसिया आफ्नो समूहको सबै खेलमा पराजित भएका थिए।

पहिलो पटक विश्व कप खेलिरहेका दुवै टोली पहिलो जितको खोजीमा रहेका छन्। विश्वकपको समूह ‘डी’ मा रहेको नेपालले स्कटल्याण्ड, अस्ट्रेलिया र बंगलादेशसँग हार बेहोरेको थियो । उता, मलेसिया भने भारत, श्रीलंका र वेस्ट इन्डिजसँग पराजित भएको थियो।