यू १९ महिला विश्वकप क्रिकेट : नेपालको सानदार सुरुवात

काठमाडौँ। यू १९ महिला विश्वकप क्रिकेटमा नेपालले आज मलेसियासँग उत्कृष्ट सुरुवात गरेको छ। टस जितेर बलिङ रोजेको नेपालले सुरुवाती १० ओभर सकिँदा ५ विकेट गुमाएर १९ रन दिएको छ। हालसम्म कप्तान पूजा महतोले २ विकेट लिँदा लिँदै सानदार सुरुवात गरेकी हुन्।

नेपाल समूह ‘डी’ मा र मलेसिया समूह ‘ए’ मा रहेका थिए। तर दुवै टोली सुपर ६ बाट बाहिरिएकाले प्लेअफमा भिड्न लागेका हुन्। यसअघि समूहमा नेपाल बंगलादेश, स्कटल्यान्ड र अस्ट्रेलियासँग पराजित भएको थियो।

उता मलेसिया भारत, श्रीलंका र वेस्ट इन्डिजसँग पराजित भएको थियो। आज दुवै टोली सान्त्वना जितको खोजीमा छन्। मलेसिया आयोजकका रूपमा पहिलो पटक विश्वकपमा सहभागी भएको हो। नेपाल भने एसिया छनौटबाट विजयी हुँदै विश्वकपमा पुगेको हो।