वरिष्ठ अधिवक्ता दिनेश त्रिपाठीले मिडियामा अपमानजनक अभिव्यक्ति दिएको आरोप, अदालतमा मुद्दा दायर

काठमाडौं। वरिष्ठ अधिवक्ता दिनेश त्रिपाठीविरुद्ध सर्वोच्च अदालतको अवहेलना गरेको आरोपमा निवेदन दर्ता गरिएको छ । टेलिभिजन अन्तर्वार्तामा त्रिपाठीले अदालत र न्यायाधीशको अपमान हुने गरी अभिव्यक्ति दिएको दाबी गर्दै मुद्दा दायर गरिएको हो।

दिलबहादुर राईले त्रिपाठीलाई अवहेलनामा कारबाहीको मागसहित निवेदन दिएका हुन् ।

दिलबहादुर राईले त्रिपाठीलाई अवहेलनामा कारबाहीको मागसहित निवेदन दिएका हुन् । आइतबार सर्वोच्च अदालतमा प्रारम्भिक सुनुवाइ हुने भन्दै तारेक तोकिएको छ । अधिवक्ता त्रिपाठीमाथि गत माघ २ गते काठमाडौं जिल्ला अदालतमा चलिरहेको ठगी गरी सङ्गठित अपराधको मुद्दामा थुनछेक बहसपश्चात् अदालत हाता बाहिर निस्कने क्रममा राष्ट्रिय स्वतन्त्र पार्टी (रास्वपा) का समर्थकहरूले हातपात र दुर्व्यवहार गरेका थिए।

सो घटनापश्चात वरिष्ठ अधिवक्ता त्रिपाठीले विभिन्न सञ्चार माध्यममा सो मुद्दामा भएको आदेश गर्ने न्यायाधीशका सम्बन्धमा बदनियतपूर्वक कार्य गरेको भनी सर्वसाधारणमा न्यायपालिकाप्रति नै भ्रम र अनास्था फैलाउने गरी अन्तर्वार्ता दिएको भन्दै न्यायाधीश समाज, नेपालले पनि आपत्ति जनाएको छ ।