काठमाडौँ। राष्ट्रपति रहँदाबाटै सक्रिय राजनीति गर्ने संकेत देखाएकी विद्या भण्डारीले एमाले पस्ने रहर भएको घुमाउरो शैलीमा बताएकी छन्। उनले राजनीतिभन्दा कोही टाढा नहुने र आफू एमालेबाट नै राष्ट्रपति भएकाले ढिलो चाँडो एमालेमै फर्किने स्वीकारेकी छन्।
विराटनगरमा पत्रकारसँग कुरा गर्दै उनले आफू राजनीतिमा आएको पार्टी एमाले रहेको र सक्रिय हुँदा अन्त नजाने बताएकी हुन्। उनले अहिलेको अवस्थामा देशमा शान्ति, स्थायित्व र दिगो विकासको लागि आफू सक्रिय रूपमा शिक्षा, युवा, महिला र रोजगारीको विषयमा सक्रिय रूपमा आफ्नो उपस्थिति देखाएको बताइन्।
आफूले हिजो पनि त्यही विषयलाई लिएर आफ्नो कर्तव्य पूरा गरेको उनको भनाइ छ । पूर्वराष्ट्रपति भण्डारीले भनिन्, ‘वर्गीय, शोषण श्रमको विरुद्धमा हिजोदेखि नै लागेकाले देशको समग्र विकासको लागि लाग्छु ।
राष्ट्रिय एजेन्डा, महिला, बालबालिका, खानेपानीलगायतको विषयमा आफ्नो चासो र चिन्ता छ ।’
