टीयू क्रिकेट मैदानमा नेदरल्यान्ड्स र थाइल्यान्ड भिड्दै, नेपालको छैन आज खेल

काठमाडौं। टीयू क्रिकेट मैदानमा जारी त्रिदेशीय महिला टी२० अन्तर्राष्ट्रिय क्रिकेट श्रृंखलामा आज नेदरल्यान्ड्स र थाइल्यान्ड भिड्दैछन्। बिहीबार सम्पन्न पहिलो खेलमा नेपाल नेरदल्यान्डससँग २० रनले पराजित भएको छ।

टस जितेर नेदरल्यान्डसलाई सुरुमा ब्याटिङको निम्तो दिएको नेपालले पाएको १५८ रनको लक्ष्य भेट्न नसक्दा घरेलु मैदानमा पहिलो खेलमा पराजय भोगेको हो। पूरै २० ओभर खेलको नेपालले सात विकेटको क्षतिमा १३७ रन मात्र बनाउन सक्यो।

आईसीसीको वरीयतामा नेदरल्यान्डस १६औँ र नेपाल २०औँ स्थानमा छ भने थाइल्यान्ड्स १३औँ स्थानमा छन्। अर्को खेलमा नेपालले शनिबार थाइल्यान्डसँग प्रतिस्पर्धा गर्नेछ।