रेखा शर्माविरुद्ध मुद्दा नचल्ने भएपछि बालेन : एमालेप्रति आक्रामक, पीडितलाई सान्तवना

काठमाडौँ । केही समयअघि नेकपा एमाले सांसद रेखा शर्माले घरमा काम गर्न राखेकी बालिकालाई दुव्र्यवहार गरेको घटना बाहिरियो। काठमाडौँको घरमा बालिका राखेको तर पशुतुल्य व्यवहार गरेको घटना काठमाडौँ महानगरपालिकाले बाहिर ल्यायो। ती बालिकालाई महानगरले रेस्क्यु गर्यो।

त्यसपछि महनगरपालिकाका मेयर बालेन शाह नेकपा एमाले प्रति आक्रामक बने। उनले एमाले अध्यक्ष केपी शर्मा ओलीप्रति लक्षित गर्दै सुशासनको परिचय दिएको भन्दै आक्रामक स्टाटस लेखे। ओली र शर्माको चर्को आलोचना भयो।

नेकपा एमाले लुम्बिनी प्रदेशसभा सदस्य शर्माले आफूलाई त्यस घटनाबारे थाहा नभएको जानकारी दिइन्। सोही घटनाले कानुनी बाटो रोजेको थियो। तर, अहिले सोही घटनामा जिल्ला सरकारी वकिलको कार्यालयले मुद्दा नचलाउने निर्णय गरेको छ। यही घटनाविरुद्ध बालेनले बालिकासँग माफी मागेका छन्। यसअघि बालेनले शर्मालाई कानुनी कारबाही हुनुपर्ने बालेनले माग गर्दै आएका छन् ।

तर, सरकारी वकिल कार्यालयले यो विषमा मुद्दा नै नचलाउने निर्णय गरेपछि बालेनले सामाजिक सञ्जाल फेसबुकमा नाबालिकासँग माफी माग्दै नआत्तिन र समय आउने बताएका हुन्।

‘सरी नानु, तिम्रा पिडककाविरूद्धमा मुद्दा नचल्ने बनाएछ सरकारले । नआत्तिनु । समय आउनेछ’, बालेनले फेसबुकमा भनेका छन्, ‘यस्तै विभेद, अपराध मास्न अनि ती कुकर्म गर्नेहरूलाई तह लगाउन तिमी र तिमी जस्तै धेरै नानीबाबुले पढ्न पर्छ । समाज बुझ्न पर्छ ।’