म्याग्दीबाट कृषि कामदारका रूपमा कोरिया गएका तुल्सी मृत अवस्थामा फेला

काठमाडौँ। कोरियामा कृषि कामदारका रूपमा काम गरिरहेका म्याग्दीको मालिका गाउँपालिका–१ का एक व्यक्ति मृत अवस्थामा फेला परेका छन्।

म्यादी घर भएका २८ वर्षीय तुल्सी पुन मगर कोरियाको मोक्फो यङसानरोमा शुक्रबा। मृत भेटिएका हुन्। नेपाली दूतावास सउलका अनुसार मगरको शव हेर्दा आत्महत्याको आशंका छ।

उनको मृत्युको खबरपछि दूतावासबाट श्रम काउन्सिलर मैँया कडेल, गैरआवासीय नेपाली संघका अध्यक्ष विपिन गुरुङ, प्रवासी ट्रेड युनियनका अध्यक्ष उदय राई, कोरियाली मानव अधिकारी संस्था लगायतका प्रतिनिधिहरु घटनास्थल पुगेका थिए।

घटनास्थलको निरीक्षण र सम्बन्धित निकायसँग कुराकानी गरेर प्रतिनिधि फर्किएको दूतावासले सूचनामार्फत जानकारी दिएको छ।