सरकारविरुद्ध आन्दोलनमा जाँदै एकीकृत समाजवादी, कार्ययोजना बनाउन कार्यदल

काठमाडौँ। नेकपा एकीकृत समाजवादीले आन्दोलनको कार्ययोजना बनाउन महासचिव घनश्याम भुसालको नेतृत्वमा कार्यदल गठन गरेको छ। बुधबार बसेको सचिवालयले बैठकले आठ सदस्यीय कार्यदल गठन गरेको पार्टीका उपमहासचिव तथा कार्यालय सचिव रामकुमार भट्टराईले जानकारी दिए ।

कार्यदलमा उपमहासचिवहरू मेटमणि चौधरी, रामकुमार भट्टराई, सचिवहरू सावित्रा भुसाल, शेरबहादुर कुँवर, स्थायी कमिटी सदस्यहरू विजय पौडेल, रामकुमारी झाँक्री छन् । फागुन ९ र १० गते बसेको केन्द्रीय कमिटी बैठकले सुशासनको निम्ति, महँगीविरुद्ध, सरकारका गलत निर्णयबारे आन्दोलन गर्ने निर्णय गरेको थियो । निर्णयानुसार, आन्दोलनको कार्यक्रमको कार्ययोजना बनाउन कार्यदल गठन गरिएको उनले बताए ।

केन्द्रीय कमिटी बैठकका निर्णयहरू लागु गर्ने निर्णय गरेको बैठकले पार्टीलाई एकताबद्ध बनाउने निर्णय पनि गरेको छ ।