कुनै दलसँग एकता सम्भव छैन : झलनाथ खनाल

काठमाडौँ । नेकपा एकीकृत समाजवादीका सम्मानित नेता झलनाथ खनालले तत्काल कुनै पनि पार्टीसँग एकीकरणको सम्भावना नरहेको बताएका छन्।

आज प्रेस सङ्गठन नेपालले जनकपुरधाममा आयोजना गरेको पत्रकार सम्मेलनमा पूर्वप्रधानमन्त्रीसमेत रहेका नेता खनालले पार्टी एकीकरण गर्नुपर्ने अवस्था नआएकाले तत्काल कुनै सम्भावना नरहेको स्पष्ट पारे। तर उनले महत्त्वपूर्ण एजेन्डाका आधारमा कार्यगत एकता भने गर्न सकिने बताए।

“तत्काल पार्टी एकीकरण सम्भव छैन तर ‘इस्यु’का आधारमा कार्यगत एकता गर्न सकिन्छ। जस्तै, अहिले राष्ट्रियतामाथि खतरा छ। यस्तो अवस्थामा वामपन्थीमात्र होइन, सबैले एकताबद्ध भएर उभिनुपर्छ,” खनालले भने।