अफगानिस्तानसँग एकदिवसीय सिरिज खेल्दै नेपाली क्रिकेट टिम

काठमाडौँ। नेपालले आगामी चैत अन्तिम सातादेखि आइसिसी यू १९ विश्वकपअन्तर्गत एसिया छनोट आयोजना गर्दैछ। एसिया छनोटमा आयोजक नेपालसहित पाँच टोलीले भाग लिँदैछन्। नेपाल, अफगानिस्तान, युएई, हङकङ र ओमानले छनोटमा प्रतिस्पर्धा गर्दैछन्।

नेपाल, अफगानिस्तान र युएईले सिधा छनोट खेल्दा हङकङ र ओमानले छनोट पार गरेका हुन्। यो छनोटको विजेता मात्र सन् २०२६ मा जिम्बावे र नामिबियामा हुने आइसिसी यू १९ विश्वकपमा छनोट हुनेछ।

नेपालले गत वर्ष दक्षिण अफ्रिकामा भएको विश्वकप खेलेको थियो। त्यसअघि नेपालले २००० देखि २००८ सम्म लगातार पाँचपटक विश्वकप खेलेको थियो। सन् २०१२ र २०१६ मा पनि खेल्दै नेपालले अहिलेसम्म आठ पटक युवा विश्वकप खेलिसकेको छ। घरेलु मैदानमा हुने एसिया छनोटअघि नेपालले अफगानिस्तानको यू १९ टोलीसँग तीन खेलको सिरिज खेल्ने भएको छ।

मुलपानी मैदानमा हुने एकदिवसीय सिरिजको पहिलो खेल चैत २१ मा हुने छ भने दोस्रो खेल चैत २४ र अन्तिम खेल चैत २७ मा हुने नेपाल क्रिकेट संघले मंगलबार घोषणा गरेको हो।

यू १९ टोलीको दोस्रो चरणको बन्द प्रशिक्षणका लागि २४ खेलाडी छन्।