राप्रपालाई देउवाको सुझाव : ज्ञानेन्द्र शाहलाई पार्टी अध्यक्ष बनाउनू

काठमाडौँ। नेपाली कांग्रेसका सभापति शेरबहादुर देउवाले पूर्वराजा ज्ञानेन्द्र शाहलाई राष्ट्रिय प्रजातन्त्र पार्टी (राप्रपा) ले सभापति बनाए हुने टिप्पणी गरेका छन्। पूर्वराजा शाह संवैधानिक राजा बन्न नसक्ने पनि देउवाको भनाइ छ।

‘पूर्वराजा संवैधानिक राजा हुन पनि सक्दैनन्, बरू राप्रपाले पार्टी सभापति बनाए हुन्छ,’ आइतबार पार्टीको बागमती प्रदेशस्तरीय प्रशिक्षणमा बोल्दै सभापति देउवाले भने, ‘पार्टी खोले हुन्छ बरू नत्र दुस्ख पाउँछन् विचराहरूले।’

राप्रपाले राजसंस्था पुनर्स्थापनालगायत एजेन्डामा अध्यक्ष राजेन्द्र लिङ्देन नेतृत्वमा आन्दोलन अघि बढाउने तयारी गरेको छ। गत फागुन २५ गते पोखराबाट पूर्वराजा शाह काठमाडौं फर्कदा राजावादीहरूले स्वागत गरेका थिए।