प्रतिनिधिसभा सदस्यले सम्झिए प्रदीप नेपाल

काठमाडौं। प्रतिनिधिसभाले पूर्वसदस्य प्रदीप नेपालको निधनमा शोक प्रस्ताव पारित गरेको छ।

बुधबार बसेको प्रतिनिधिसभाको बैठकमा दिवंगत नेपालको निधनमा दुःख व्यक्त गर्दै शोक प्रस्ताव पारित गरेको हो । नेकपा एमालेको तर्फबाट २०५० सालमा राष्ट्रियसभा सदस्यमा निर्वाचित नेपाल २०६५ सालमा काठमाडौं–१ बाट प्रतिनिधिसभा सदस्यमा निर्वाचित भएका थिए ।

दिवंगत नेपाल पूर्वमन्त्री समेत हुन् । नेपालको ७१ वर्षको उमेरमा वैशाख २३ गते काठमाडौंमा उपचारका क्रममा निधन भएको थियो । बैठकले उनको निधनमा शोक प्रकट गर्दै श्रद्धाञ्जली अर्पण गरेको छ । साथै, शोक सन्तप्त परिवारजनमा समवेदना प्रकट गरेको हो । बैठकले दिवंगत नेपालको आत्माको चीर शान्तिको कामना गर्दै एक मिनेट उठेर मौनधारण समेत गरेको छ ।