‘साम्बला’ सर्वोत्कृष्ट चलचित्र घोषित, को भए उत्कृष्ट नायक-नायिका?

काठमाडौं। ‘राष्ट्रिय चलचित्र पुरस्कार तथा सम्मान समारोह २०८१’ मा निर्देशक मीनबहादुर भाम निर्देशित फिल्म ‘साम्बला’ सर्वोत्कृष्ट राष्ट्रिय चलचित्र घोषित गरिएको छ।

सोही फिल्मका लागि मीनबहादुर भाम ‘उत्कृष्ट निर्देशक’को रूपमा पुरस्कृत भए । कार्यक्रममा विभिन्न विधामा उत्कृष्ट ठहरिएका कलाकार तथा प्राविधिकहरूलाई राष्ट्रपति रामचन्द्र पौडेलले पुरस्कार प्रदान गरेका थिए।

अन्य विजेताहरू :

उत्कृष्ट अभिनेता : विजय बराल (‘पूर्णबहादुरको सारंगी’

उत्कृष्ट अभिनेत्री : उपासना सिंह ठकुरी ‘खुस्मा’)

उत्कृष्ट सम्पादक : भरत रेग्मी ; ‘पुजार सार्की’)

उत्कृष्ट छायाकार, पुरुषोत्तम प्रधान ; ‘पिताम्बर’)

उत्कृष्ट लेखन : दीपकराज गिरी (छक्कापन्जा ५’)

उत्कृष्ट आदिवासी मातृभाषी चलचित्र : ‘गालय् वन’ (‘नेपाल भाषा)।

निर्णायक समिति प्रोत्साहन पुरस्कार : प्रदीप खड्का (‘पुजार सार्की’)।

कार्यक्रममा लामो समयदेखि नेपाली चलचित्र क्षेत्रमा योगदान पुर्‍याउँदै आएका निर्देशक लक्ष्मीनाथ शर्मालाई नगद ३ लाख ७५ हजार रुपैयाँसहित दीर्घ साधना सम्मान प्रदान गरिएको थियो।

चलचित्र क्षेत्रको प्रगतिमा योगदान पुर्‍याउने कलाकार, निर्देशक तथा प्राविधिकलाई सम्मान तथा पुरस्कार प्रदान गरेर राष्ट्रिय सिने उद्योगको सम्मान र हौसला बढाउने उद्देश्यले समारोहको आयोजना गरिएको हो।