बिमा प्राधिकरणका अध्यक्ष शरद ओझामाथि छानबिन गर्न समिति गठन

काठमाडौँ। मन्त्रिपरिषद् बैठकले नेपाल बिमा प्राधिकरणका अध्यक्ष शरद ओझामाथि छानबिन गर्न समिति गठन गरेको छ।

बालुवाटारमा सोमवार बसेको मन्त्रिपरिषद् बैठकले उनको योग्यताबारे छानबिन गर्न तीन सदस्यीय समिति गठन गरेको एक सदस्यले जानकारी दिए। उच्च अदालतका पूर्वन्यायाधीश कृष्ण गिरीको संयोजकत्वमा छानबिन समिति गठन भएको र समितिमा बिमा विज्ञ कपिल ओली र एक जना अर्थशास्त्री रहेका जनाइएको छ।

उनी गएको फागुन १२ गते प्राधिकरणको अध्यक्ष भएका थिए।