काठमाडौं। नेकपा एमालेकी केन्द्रीय सदस्य उषाकिरण तिम्सिनाले व्यक्तिविशेषलाई हेरेर विधान बदल्न नहुने बताएकी छिन्। च्यासलमा जारी केन्द्रीय कमिटी बैठकमा मंगलबार आफ्नो धारणा राख्दै उनले नेतृत्व हस्तान्तरणमा समेत जोड दिइन्।

‘धारा ६४ कायम राखियोस्, कुनै व्यक्ति विशेषलाई हेरेरभन्दा संगठनलाई बलियो बनाउने गरी विधान नबनाऔँ,’ तिम्सिनाले भनिन्, ‘वर्तमान अध्यक्ष कमरेडले २ कार्यकाल अध्यक्ष चलाइसक्नुभयो। उहाँले पर्याप्त नेतृत्वको अवसर पाउनुभएको छ। अब निस्शर्त नेतृत्व हस्तान्तरण र पुस्तान्तरण पनि परिवर्तनको एउटा विषय हो।’

उनले विधानमा संगठित सदस्य कुनै पनि फौजदारी अभियोग नलागिकन खोस्न नपाइने व्यवस्था कायम गर्न समेत माग गरिन्। पार्टी जतिबेला पनि घेराबन्दीमा पर्ने गरेको भन्दै उनले त्यसलाई किन तोड्न नसकेको भनेर प्रश्न समेत गरिन्।

‘सधैँ पार्टी घेराबन्दीमा पर्‍यो भनिन्छ,’ तिम्सिनाको प्रश्न छ, ‘पार्टी सरकारमा हुँदा पनि घेराबन्दीमा, प्रतिपक्षमा हुँदा पनि घेराबन्दी कसरी हुन्छरु यो घेराबन्दी तोड्न हाम्रो यति ठूलो संगठनात्मक शक्ति भएको एमालेले किन नसकेको होरु’