बागमतीको मुख्यमन्त्रीका लागि बानियाँको दाबी पेस

काठमाडौं। बागमती प्रदेशको मुख्यमन्त्रीका लागि नेपाली कांग्रेस संसदीय दलका नेता इन्द्रबहादुर बानियाँले दाबी पेस गरेका छन्।

केहीबेर अघिमात्रै प्रदेश प्रमुखको कार्यालयले २४ घण्टाको समय दिएर नयाँ सरकार गठनको लागि दाबी पेस गर्न आह्वान गरेको थियो । लगत्तै बानियाँले दाबी पेस गरेका हुन् ।

बहादुरसिंह लामाले राजीनामा दिएपछि नयाँ सरकार गठनको प्रक्रिया अघि बढेको हो । सम्भवतस् अब बानियाँ नै मुख्यमन्त्री बन्नेछन् । आफ्नै पार्टीका लामालाई अविश्वासको प्रस्तावमार्फत उनले संसदीय दलको नेताबाट हटाई मुख्यमन्त्रीबाट राजीनामा दिन बाध्य पारेका थिए ।

कांग्रेस-एमालेको सत्ता भागवण्डामा बागमतीको मुख्यमन्त्री कांग्रेसको भागमा परेको थियो ।