वरिष्ठ नेता अनिल झाले छाडे लोसपा

काठमाडौँ । लोसपा नेपालका वरिष्ठ नेता अनिल झाले पार्टी छाडेका छन् । उनले गत असार ४ गते नै राजीनामा दिएका हुन् ।

झाले आफूले राजीनामा दिएको र उक्त राजीनामा स्वीकृत समेत भइसकेको मंगलबार जानकारी दिए ।

पार्टीभित्रको कार्यशैली चित्त नबुझेपछि आफूले राजीनामा दिएको उनले खुलाए । उनले अब कसरी अघि बढ्ने भन्नेबारे निकटस्थसँग आन्तरिक छलफल गरिरहेको बताइएको छ ।