निर्वाचन आयोगले दिएन नाउपाका लालवीरलाई वैधता, रन्जीता नै अध्यक्ष

काठमाडौँ। निर्वाचन आयोगले नागरिक उन्मुक्ति पार्टी (नाउपा) को पछिल्लो भेला अवैधानिक भएको निश्कर्ष निकालेको छ।

योसँगै लालवीर चौधरीको नेतृत्व अवैध ठहर भएको छ भने अध्यक्षमा रन्जीता श्रेष्ठ नै कायम भएकी छन्। आयोगको हिजो बसेको बैठकले रन्जीताको नेतृत्वलाई नै वैधानिकता दिने निर्णय गरेको प्रवक्ता निता पोखरेल आचार्यले जानकारी दिइन्। नाउपाको राष्ट्रिय भेलाले रन्जीतालाई अध्यक्षबाट हटाउँदै लालबीर चौधरीलाई अध्यक्ष बनाएको थियो।

चौधरीले साउन १५ गते विवरण अद्यावधिकका लागि आयोगमा निवेदन दिएका थिए। नाउपा दर्ता हुँदा २१ सदस्यीय केन्द्रीय समितिमा लालवीर चौधरीको नाम थिएन्। त्यसकारण राजनीतिक दलसम्बन्धि ऐन र पार्टीको विधान अनुसार लालबीरको नेतृत्व अवैध ठहर भएको हो।

नाउपाले २०८० मा पहिलो महाधिवेशन गरेर रेशमलाई अध्यक्ष बनाए पनि निर्वाचन आयोगले मान्यता नदिएर रञ्जितालाई नै अध्यक्षमा कायम गरिदिएको थियो।