लिङ्देन पक्षधर युवाबाट कुटिएका रिद्दीप्रताप राणा ह्याम्स अस्पतालको इमर्जेन्सीमा भर्ना

काठमाडौँ। राप्रपा निकट युवा संगठनको काठमाडौं महाधिवेशनमा पार्टी अध्यक्ष राजेन्द्र लिङ्देन निकट युवाबाट कुटिएका युवा नेता रिद्दीप्रताप राणा ह्याम्स अस्पतालको इमर्जेन्सीमा भर्ना भएका छन्।

उनी आज दिउँसो युवा संगठनको अधिवेशनमा कुटिएका थिए। उनको टाउकोमा चोट छ। उनीमाथि हेल्मेट प्रहार भएको थियो।

राप्रपाका लिङ्देन इतर नेताहरुले राणालाई लिङ्देनले प्रायोजित गुन्डा झिकाएर कुटिएको आरोप लगाएका छन्। आज लिङ्देन समेत सहभागी कार्यक्रमको उद्घाटन शत्रमा युवा नेताबीच हात हालाहाल भएको थियो।