काठमाडौं। काठमाडौं महानगरपालिका प्रमुख बालेन्द्र शाहले प्रधानमन्त्री केपी शर्मा ओलीलाई चीन भ्रमणको शुभकामना दिएका छन् । प्रधानमन्त्री ओलीलाई चीन भ्रमणको शुभकामना दिँदै उनले लिपुलेकको भूमि नेपालको हो भन्ने सम्झाउन नर्बिसन पनि आग्रह गरेका छन् । लिपुलेक नाकाबाट व्यापार सञ्चालन गर्ने भारत र चीनको सहमतिले नेपालको सार्वभौमिकतामाथिको अतिक्रमण गरेको उनको भनाइ छ ।

‘चीन भ्रमणको शुभकामना प्रधानमन्त्रीज्यु । नेपालको लिपुलेक नाकाबाट व्यापार पुनः सञ्चालन गर्ने भारत–चीनको सहमतिले हाम्रो सार्वभौमिकतामाथिको अतिक्रमण गरेको छ । त्यो हाम्रो नै हो भन्ने कुरा चीनलाई सम्झाउन नबिर्सनु होला । अल द बेस्ट, हामीलाई तपाईंमाथि पूर्ण विश्वास छ,’– उनले भनेका छन् ।