प्रधानमन्त्री ओलीले चिनियाँ राष्ट्रपति चिनफिङसँग भने ; लिपुलेक नेपालको भूभाग हो´

काठमाडौं। प्रधानमन्त्री केपी शर्मा ओलीले लिपुलेक पास भएर हालै भारत र चीनबीच भएको व्यापार सम्झौतामा आपत्ति जनाएका छन् ।

चीन भ्रमणमा रहेका प्रधानमन्त्री ओलीले चिनियाँ राष्ट्रपति सी चिनफिङसँगको सामूहिक भेटमा चीन-भारतबीचको व्यापार सम्झौतामा आपत्ति जनाउँदै लिपुलेक, लिम्पियाधुरा नेपालकै रहेको स्पष्ट पारे ।

भ्रमणमा जानुअघि राष्ट्रपति सीसँगको एकल भेटमा सीमाको विषय उठाउने भनिएको थियो । तर, प्रधानमन्त्री ओलीले चीनको थियानजिन अतिथि गृहमा शनिबार भएको द्विपक्षीय सामूहिक भेटवार्तामै यो कुरा उठाएको भ्रमणमा सहभागी एक अधिकारीले जानकारी दिए ।

उनले ऐतिहासिक तथ्य र पुरानो नक्साले लिपुलेक, लिम्पियाधुरा नेपालको हो भन्ने पुष्टि भइसकेको विषय रहेको स्पष्ट पारे । भारत र चीनबीच युद्ध हुँदा त्यो भूमिमा भारतले अस्थायी रूपमा फौज राख्न अनुमति मागेको र त्यही अनुरूप त्यतिबेला अनुमति दिइएको प्रधानमन्त्री ओलीले चिनियाँ पक्षलाई जानकारी गराए ।

सीसँग कूटनीतिक र मित्रवत सम्बन्धमा पनि छलफल

यस्तै, चीन भ्रमणमा रहेका प्रधानमन्त्री ओली र चिनियाँ राष्ट्रपति सी चिनफिङबीच दुई देशको कूटनीतिक र मित्रवत सम्बन्धका विषयमा छलफल भएको हो।

आज अर्थात चीन पुगेका प्रधानमन्त्री ओलीसँग चिनफिङले २०२५ शाङ्हाई सहयोग संगठन शिखर सम्मेलन, जापानी आक्रमण विरुद्धको चिनियाँ जनताको प्रतिरोध युद्ध र विश्व फासिस्ट विरोधी युद्ध विजयको ८० औं वार्षिकोत्सवको स्मृति समारोहका पूर्वार्धमा चीनको थ्यानचिन गेस्ट हाउसमा भेटघाट भएको हो।

भेटमा सीले चीन र नेपाल पहाड र नदीहरूले जोडिएका छिमेकीहरू र पुस्तौँदेखि मित्रताको आनन्द लिइरहेका भनी औंल्याएका थिए। सीले भने, ‘दुवै शान्तिप्रेमी र आत्मनिर्भर राष्ट्र हुन्। कूटनीतिक सम्बन्ध स्थापना भएको विगत ७० वर्षमा दुई देशका जनताले दुःखसुख बाँडेका छन् र संयुक्त रूपमा चीन-नेपाल असल छिमेकी मित्रताको ऐतिहासिक अध्याय लेखेका छन्।´

हाल चीन र नेपालबीच संयुक्त रूपमा उच्च गुणस्तरमा निर्माण गरिरहेका छन्, र बेल्ट एण्ड रोड सहयोग निरन्तर अगाडि बढिरहेकाले दुई देशका जनतालाई नजिक ल्याएको छलफल भएको छ।

ओलीले चीनसँगको परम्परागत मित्रतालाई अगाडि बढाउन, विकास र समृद्धितर्फ उन्मुख चीन-नेपाल रणनीतिक सहकारी साझेदारीको नयाँ र बृहत्तर विकासलाई प्रवर्द्धन गर्न नेपाल इच्छुक रहेको बताएका थिए।

सी चिनफिङले दुई पक्षले रणनीतिक पारस्परिक विश्वास बढाउन, एकअर्काको मुख्य हित र प्रमुख चासोहरूसँग सम्बन्धित मुद्दाहरूमा एकअर्कालाई दृढतापूर्वक समर्थन गर्न, पारस्परिक रूपमा लाभदायक सहयोगलाई गहिरो बनाउन र बेल्ट एण्ड रोड इनिसिएटिभलाई संयुक्त रूपमा अगाडि बढाउन जोड दिईका थिए।

जसले बन्दरगाह, सडक, पावर ग्रिड, उड्डयन र सञ्चारमा कनेक्टिभिटीलाई सुदृढ पार्ने, र उद्योग, कृषि, पशुपालन, नयाँ ऊर्जा, वातावरण संरक्षण, तेल र ग्यास, कृत्रिम बुद्धिमत्ता, शिक्षा, स्वास्थ्य, कानून प्रवर्तन र सुरक्षामा सहयोगलाई प्रवर्द्धन गर्ने छ।

प्रधानमन्त्री ओलीले नेपाल-चीन सम्बन्धले विभिन्न परीक्षा र कष्टहरू पार गरेको र समयसँगै बलियो रहेको बताए।

दुवै पक्षले सधैं एकअर्कालाई सम्मान, विश्वास र हेरचाह गर्दै आएका छन्।

चीनसँगको सहकार्यको लागि पारस्परिक चासो देखाएका छ। नेपालको आर्थिक तथा सामाजिक विकासलाई प्रभावकारी रूपमा प्रवर्द्धन गरेको छ। नेपालले एक-चीन सिद्धान्तलाई दृढतापूर्वक पालना गर्दछ, ताइवान स्वतन्त्रताको दृढतापूर्वक विरोध गर्दछ, र कुनै पनि शक्तिलाई चीनको हितलाई हानि पुर्‍याउन नेपाली भूमि प्रयोग गर्न दिने छैन।