दीपक बोहोराको उत्तराधिकारी छान्न राप्रपाले पनि गर्दैछ पार्टीभित्र चुनाव

काठमाडाैँ। आसन्न उपनिर्वाचनमा रूपन्देही ३ मा उम्मेद्वार छान्न राप्रपाले पनि आन्तरिक चुनाव गर्ने भएको छ। आकांक्षी बढि भएपछि राप्रपाले लोकप्रिय उम्मेद्वार छान्न चुनावको रणनीति लिएको हो।

पार्टी प्रचार विभाग प्रमुख एवं प्रवक्ता मोहनकुमार श्रेष्ठका अनुसार नवीनत अभ्यासका लागि प्रजातान्त्रिक अभ्यास गर्ने भएको हो। जसका लागि पार्टीभित्र चुनाव हुनेछ। श्रेष्ठले सार्वजनिक गरेको विज्ञप्तिअनुसार आज राप्रपाको संसदीय समितिको बैठक आज बसेको बैठकले निर्णय गरेको हो।

आन्तरिक प्रारम्भिक निर्वाचनका मतदाताहरुमा रुपन्देही-३ को प्रतिनिधिसभा क्षेत्रीय कार्यसमितिका पदाधिकारी तथा सदस्यहरु, रुपन्देही-३ अन्तर्गतका प्रदेशसभा (क) र (ख) कार्यसमितिका पदाधिकारी तथा सदस्यहरु, रुपन्देही-३ अन्तर्गतका सबै उपमहानगर, नगर, गाऊॅपालिका र वडा कार्यसमितिका पदाधिकारी तथा सदस्यहरु, रुपन्देही-३ बाट प्रतिनिधित्व गर्ने प्रदेश कार्यसमितिका पदाधिकारी तथा सदस्यहरु, रुपन्देही-३ बाट प्रतिनिधित्व गर्ने जिल्ला कार्यसमितिका पदाधिकारी तथा सदस्यहरु, रुपन्देही जिल्ला क्षेत्र नं-३ बाट प्रतिनिधित्व गर्ने केन्द्रीय सदस्य तथा पदाधिकारीहरु, २०८२ भदौ १७ गतेसम्म कायम रहेका रुपन्देही-३ भित्रका केन्द्रदेखि जिल्ला तहसम्मका भातृ संगठनका पदाधिकारी तथा सदस्यहरु, २०८२ भदौ १७ सम्ममा सक्रिय सदस्य भइसकेका रुपन्देही-३ अन्तर्गतका सक्रिय सदस्यहरु रहने छन्।

बाेहाेरा परिवारबाट दीपकका छाेरा गाैरव, प्रज्वल र नातिनी स्वाती थापा दाबेदार छन्। केन्द्रीय सदस्य बसन्त विक्रम शाही, जिल्ला अध्यक्ष सागरप्रताप राणा पनि आकांक्षी छन्। उनीहरूबाहेक पनि दाबेदार पनि उम्मेद्वार परिवारबाटै हुने सम्भावना छ।