आईजीपी चन्द्रकुवेर खापुङले लगाए दर्ज्यानी चिह्न, अब कार्यभार सम्झाल्ने

काठमाडौं । नेपाल प्रहरीको ३२औँ महानिरीक्षक (आईजीपी) मा नियुक्त चन्द्रकुवेर खापुङलाई दर्ज्यानी चिह्न प्रदान गरिएको छ। दर्यानी चिह्न प्रदान गरेसँगै अब खापुङले आईजीपीको कार्यभार सम्झाल्नेछन्। उनलाई गृहसचिव गोकर्णमणि दुवाडीले दर्ज्यानी चिह्न प्रदान गरेका हुन्।

गत शुक्रबार बालुवाटारमा बसेको मन्त्रिपरिषद् बैठकले उनलाई आईजीपी बनाउने निर्णय गरेको हो । खापुङ पहिलो वरीयताका एआईजी थिए । आईजीपी दीपक थापा यही भदौ १८ गते मध्यरातिबाट अनिवार्य अवकाशमा गएका थिए । त्यसपछि खापुङको नियुक्ति भएका हुन्।