एनसेलले भन्यो ; अब फेसबुकलगायतका सेवाहरू हामी निष्क्रिय बनाउँदैछौँ

काठमाडौँ । दूरसञ्चार सेवा प्रदायक कम्पनी एनसेलले नेपालमा दर्ता नभएका सामाजिक सञ्जालका प्लेटफर्महरू नचल्ने सूचना जारी गरेको छ ।

नेपाल दुरसञ्चार प्राधिकरणले सामाजिक सञ्जालको प्लेटफर्मलाई व्यवस्थित गर्ने निर्देशिका,२०८० अनुसार नेपालमा दर्ता नभएका सामाजिक सञ्जालका प्लेटफर्म निष्क्रिय पार्ने निर्णय गरेसँगै एनसेलले यस्तो सूचना जारी गरेको हो ।

‘प्राधिकरणको निर्णयसँगै एनसेलको इन्टरनेट सेवाबाट पनि नेपालमा दर्ता नभएका सामाजिक सञ्जालका प्लेटफर्महरू नचल्ने अग्रिम जानकारी गराउँछौं,’ एनसेलले जारी गरेको सूचनामा भनिएको छ, ‘यसबाट पर्न गएको असुविधाप्रति हामी क्षमाप्रार्थी छौं ।

एनसेलले टिकटक र भाइबर लगायत दर्ता भएका सामाजिक सञ्जालका प्लेटफर्म भने एनसेल डाटा सेवामार्फत् चलाउन सकिने पनि जानकारी गराएको छ ।