एमालेको सकियो विधान महाधिवेशन ; अब सचिवालय नरहने, हट्यो ७० वर्षे उमेरहद

काठमाडौँ। नेकपा एमालेको दोस्रो विधान महाधिवेशनमा प्रस्तुत तीनवटै प्रतिवेदन बहुमतले पारित भएका छन् । महाधिवेशनमा प्रस्तुत राजनीतिक, सांगठनिक र विधान संशोधनसम्बन्धी प्रतिवेदन ध्वनि मतका साथ बहुमतले पारित भएको छ ।

सहभागी एक प्रतिनिधिका अनुसार अध्यक्ष केपी शर्मा ओली र महासचिव शंकर पोखरेल तथा उपाध्यक्ष विष्णु पाैडेलले प्रस्तुत गरेको प्रतिवेदन हलबाट पारित भएको हो ।

समापनसत्रमा बोल्दै ओलीले प्रतिवेदनको व्यवस्थामा सहमत भए पारित गर्न भनेका थिए । हलमा सहभागीहरूले ताली बजाएर पारित गरेका हुन्। अब एमालेमा ७० वर्षे उमेरहद वैधानिकरूपमा हटेको छ।

एमालेको दोस्रो विधान महाधिवेशनले एमालेमा सचिवालयको व्यवस्था खारेज गरेको छ । आइतबार सम्पन्न सो महाधिवेशनले एमालेको विधान संशोधन गरी सचिवालयको व्यवस्था खारेज गरेको हो ।

साथै, महाधिवेशनले स्थायी कमिटी १५ सदस्यीय, पोलिटब्युरो ९९ र केन्द्रीय सदस्य २ सय ५१ जना हुने व्यवस्था गरेको छ भने सदस्यता पनि साधारण र संगठित गरी दुई थरी मात्र कायम गर्ने व्यवस्था गरेको छ ।

त्यस्तै, विधान महाधिवेशनमा प्रस्तुत तीनवटै प्रतिवेदन बहुमतले पारित भएका छन् । महाधिवेशनमा प्रस्तुत राजनीतिक, सांगठनिक र विधान संशोधनसम्बन्धी प्रतिवेदन ध्वनि मतका साथ बहुमतले पारित भएका हुन् । योसँगै एमालेको विधान महाधिवेशन सकिएको छ ।