जेनजीका अनेक कुरा, फेरि कुलमानलाई प्रधानमन्त्री बनाउनेमा छलफल

काठमाडौं। जेनजी आन्दोलनभित्रको अर्को समूह “जेन–जी नेपाल”ले अन्तरिम मन्त्रिपरिषद्को नेतृत्वका लागि पूर्वविद्युत प्राधिकरण प्रमुख कुलमान घिसिङलाई प्रस्ताव गर्ने निर्णय गरेको छ।

समूहले जारी गरेको विज्ञप्तिमा भ्रष्टाचार अन्त्य, बेथिती नियन्त्रण र सुशासन कायम गर्ने आन्दोलन निष्कर्षतर्फ उन्मुख भएको दाबी गर्दै अन्तरिम मन्त्रिपरिषद् गठन भएलगत्तै समाधान आउने उल्लेख गरिएको छ।

प्रारम्भिक छलफलमा काठमाडौं महानगर प्रमुख बालेन्द्र साह (बालेन), धरानका मेयर हर्क साम्पाङ र पूर्वप्रधानन्यायाधीश सुशीला कार्कीको नाममा पनि विचार भए तर विभिन्न कारणले अस्वीकृत भएको समूहले स्पष्ट गरेको छ। अन्ततः, सर्वसम्मत सहमतिका आधारमा कुलमान घिसिङलाई अघि सारिएको हो।