इजिप्ट र बेलायतद्वारा इजरायलको दोहा आक्रमणको निन्दा

इजिप्टका राष्ट्रपति अब्देल–फताह अल–सिसी र बेलायती प्रधानमन्त्री केयर स्टारमरले संयुक्त रूपमा गाजामा तत्काल युद्धविराम, एन्क्लेभमा मानवीय सहायताको प्रवेश र वन्धक र बन्दीहरूको रिहाइको लागि आह्वान गरेका छन् ।

गाजामा भएका पछिल्ला घटनाक्रमहरूमा फोन वर्तामा दुई नेताहरूले प्यालेस्टिनीहरूलाई उनीहरूको भूमिबाट विस्थापन गर्न अस्वीकार गरेका हुन् ।

कतारको दोहामा इजरायली आक्रमणलाई अन्तर्राष्ट्रिय कानून र राज्य सार्वभौमिकताको सम्मानको सिद्धान्तको स्पष्ट उल्लङ्घन भनेर निन्दा गरेका छन् ।

स्थानीय स्वास्थ्य अधिकारीहरूका अनुसार अक्टोबर २०२३ मा गाजा युद्ध शुरु भएदेखि इजरायली आक्रमण र गोलीबारीले एन्क्लेभमा ६४ हजार भन्दा बढी मानिसहरूको मृत्यु भएको छ । जबकि धेरैजसो क्षेत्र भग्नावशेषमा परिणत भएको छ र अनिकाल लागेको छ ।