सुमनाले भनिन् : म मन्त्री बन्दिन

काठमाडौँ। राष्ट्रिय स्वतन्त्र पार्टी (रास्वपा) की नेतृ सुमना श्रेष्ठले नवनियुक्त प्रधानमन्त्री सुशीला कार्कीको मन्त्रीपरिषद्‌मा सहभागी नहुने बताएकी छन्।

शनिबार सामाजिक सञ्जालमा एक भिडियो सन्देश जारी गर्दै पूर्व शिक्षामन्त्रीसमेत रहेकी श्रेष्ठले आफ्नो कुनै चाह नरहेको बताइएकी हुन्।

शुक्रबार कार्कीले अन्तरिम सरकारको प्रधानमन्त्रीका रुपमा सपथ लिएपछि श्रेष्ठ पनि बधाई कार्यक्रममा सहभागी थिइन्। त्यसपछि उनी पनि कार्कीको मन्त्रीपरिषद्‌को सदस्य बन्न लागेको अड्कलबाजी चलेको थियो।

तर श्रेष्ठले ती सबै भ्रम रहेको र आफू अन्तरिम सरकारको मन्त्री नबन्ने स्पष्ट पारेकी छन्। उनले यसअघि मन्त्री बनेकालाई पनि मन्त्री बन्नका लागि चाह नराख्न आग्रह गरेकी छन्।

‘कलिला भाइबहिनीहरुको दाहसंस्कार सकिएको छैन। उहाँहरुको यो बलिदानबाट आएको परिवर्तनमा म जस्तो अवसर पाएर, आफ्नो काम गर्ने मौका पाएर काम गरेकाहरुले मन्त्री बन्ने सपना नराखौं भन्न चाहन्छु’, उनले भिडियोमा भनेकी छन्।