`सुदन गुरुङ एमाले प्रवेश गर्ने कुरा महेश बस्नेतबाट झुटो प्रचार´

काठमाडौं। हामी नेपालले संयोजक सुदन गुरूङ एमाले प्रवेश गर्न लागेको भनेर एमाले नेता महेश बस्नेतले गरेको टिप्पणीमा सत्यता नभएको जनाएको छ।

शनिबार प्रेस विज्ञप्ती जारी गरेर हामी नेपालले एमाले नेता बस्नेतसँग संयोजक गुरूङको कुराकानी नै नभएको जानकारी गराएको हो।

शुक्रबार एमाले नेता महेश बस्नेतले सुदन गुरूङ एमालेमा प्रवेश गर्ने लागेको भनेर दिएको अभिव्यक्ति सामाजिक सञ्जालमार्फत सार्वजनिक भएका थिए।

‘उनी एमाले आउँछन् जस्तो लाग्छ। अलिअलि कुराकानी भएको थियो। मलाई सुरक्षा थ्रेट भयो भनेर उनी र उनीसँगै हिँड्ने बब्लु लगायत ठूलो टिम हामीसँग सम्पर्कमा छन्। उनीहरू चाँडै नै एमाले आए भने तपाईंहरू अचम्मित नमान्नुस्,’ बस्नेतले भन्नुभएको थियो।