माओवादीको महाधिवेशन मंसिर गर्ने प्रस्ताव, केन्द्रीय समिति भंग गरिने

काठमाडौं। नेकपा माओवादी केन्द्रका अध्यक्ष पुष्पकमल दाहाल प्रचण्डले पार्टीको विशेष महाधिवेशनको प्रस्ताव गर्नुभएको छ।
आइतबार आयोजित पार्टी पदाधिकारी बैठकमा उनले करिब १ घण्टा सम्बोधन गर्दै आगामी मंसिरमा विशेष महाधिवेशन गर्ने प्रस्ताव राख्नुभएको हो।

उहाँले भन्नुभयो, ‘विशेष परिस्थिति आएको छ, त्यसैले विशेष महाधिवेशन गरेर नयाँ नेतृत्व चयन गरौँ ।’ पदाधिकारी बैठकले प्रचण्डले गरेको प्रस्ताव केन्द्रीय समितिमा पठाउने तयारी भएको छ । केन्द्रीय समितिले सबै तहका पदाधिकारी र समितिहरू भंग गरी महाधिवेशन आयोजक समिति गठन गर्नेछ । उक्त समितिले मात्र मंसिरको महाधिवेशनको सम्पूर्ण जिम्मेवारी र अधिकार पाउनेछ ।

त्यसैगरी, प्रचण्डले एक हप्ताभित्र केन्द्रीय समितिको आकस्मिक बैठक बोलाउने प्रस्ताव पनि राख्नुभ
एको छ।