विपिन जोशीको रिहाइमा पहल खोज्न बहिनी र आमा अमेरिका प्रस्थान

काठमाडौं । हमासले बन्धक बनाएका विपिन जोशीको आमा र बहिनी उनको सकुशल रिहाइका माग गर्दै अमेरिका प्रस्थान गर्नुभएको छ।

उहाँकी बहिनी पुष्पा जोशीले फेसबुकमार्फत आफूहरु दाजु विपिनको रिहाइका लागि ठूलो कदम चालेको बताउँदै यूएसए जान लागेको उल्लेख गर्नुभएको हो। अमेरिकाले कूटनीतिक तवरबाट बन्धक फुकाउन सक्ने सम्भावना रहेकाले उहाँहरू अमेरिका लाग्नुभएको हो।

यसअघि इजरायल जाँदा पनि राष्ट्रिय र अन्तर्राष्ट्रिय समुदायले आफूहरुलाई सहयोग गरेको बताउँदै अहिले पनि सहयोग गर्न उहाँले आह्वान गर्नुभएको हो।

विपिनको केही समयअघि हमासले बिदाइ तस्बिर भन्दै ४८ जना बन्धकहरुसँगै तस्बिर सार्वजनिक गरेको थियो ।